„ეს უსამართლობა მალე დასრულდება და სასამართლო თავის სახელს დაიბრუნებს. აქ სოლიდარობისთვის ვართ, არა იმის იმედით, რომ მოსამართლეები ობიექტურ გადაწყვეტილებას მიიღებენ“, – განაცხადა “ნაციონალური მოძრაობის” წევრმა, სოფო ჯაფარიძემ, თბილისის საქალაქო სასამართლოში მიმდინარე პროცესების შეფასებისას:
“ივანიშვილმა გადაწყვიტა, რომ ეს ახალგაზრდები აიყვანოს ტყვეობაში და ის ფიქრობს, რომ ამით სიმართლის ხმას ჩაახშობს, მაგრამ სინამდვილეში ის თავისივე გაბმულ მახეში იხლართება, საიდანაც ვეღარ გამოვა და ძალიან მალე ეს უსამართლობა დასრულდება და ამ შენობას, რომელსაც ადრე სასამართლო ერქვა, ისევ დაერქმევა სასამართლო, რადგან ახლა ამ შენობაში ყველაფერი არის, გარდა სამართლისა.
ჩვენ აქ დავდივართ მხოლოდ იმიტომ, რომ სოლიდარობა გამოვუცხადოთ ამ ახალგაზრდებს და არა იმიტომ, რომ რაღაცის იმედი გვაქვს, თითქოს და მოსამართლეები მიიღებენ ობიექტურ გადაწყვეტილებას”, – განაცხადა სოფო ჯაფარიძემ.
ინფორმაციას “ნაციონალური მოძრაობის” პრესსამსახური ავრცელებს
