ბოდბელი ეპისკოპოსი, მეუფე იაკობი დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილეს, პაატა იმნაძეს მისი მხრიდან საზოგადოებისადმი/მრევლისადმი მიმართვას, მოსალოდნელი საშიშროების თაობაზე გაფრთხილებას და ეკლესიებში არწასვლისკენ მოწოდებას ეხმიანება და მისგან მოითხოვს კორონავირუსით დაინფიცირებული მოქალაქეების რეალური რიცხვის დასახელებას:
“მე ბატონ პაატას პატივს ვცემ, მაგრამ ჯობია იმან ის დაითვალოს, რეალურად რამდენი დაინფიცირებული გვყავს. ეს იმას ნიშნავს, რომ არ ვიცით რეალურად რამდენი გვყავს და ეკლესიაზე უნდა ახლა გადატანა. მაგათ რომ ტესტები მეტი ეკეთებინათ, ახლა ეცოდინებოდათ რეალურად 350 ვართ თუ 600 ვართ. მონაცემებს არ მალავენ, ვერ ატარებენ ტესტირებებს და იმიტომ არ ამბობენ. ტესტების ის რაოდენობა არ გვაქვს, რაც უნდა გვქონდეს, თქვენც ჩემზე კარგად იცით, ექიმებს ჰკითხეთ.
ვიღაცის ჭკუის დასარიგებელი არ ვარ, ვინც არ უნდა იყოს, მსოფლიოშიც მაქვს ურთიერთობები, ამასაც ვიგებ. ჩვენთან, იმაზე მეტი საშიშროება არ არის, გარეთ რომ დავდივართ,”- მეუფე იაკობმა.
აღსანიშნავია, რომ ქართულმა მართლმადიდებლურმა ეკლესიამ უარი თქვა ხუთშაბათის ტრადიციულ ფეხთბანვის წესის შესრულებაზე, რომლის დროსაც კათოლიკოს-პატრიარქი მსახურებაში მონაწილე 12 სასულიერო პირს ფეხს ბანს. მიზეზის განმარტება არ მომხდარა.