“ჩინეთი არის სწორედ ის ზესახელმწიფო, რომელსაც უნდა მიბაძოს ყველამ“, – განაცხადა მთავრობის მეთაურმა, ირაკლი კობახიძემ. მმართველი პარტიის ლიდერის ამ პოზიციას მწვავე შეფასებებით და კონკრეტული შეხსენებებით ეხმაურება პოლიტიკის ექსპერტი, დავით ზურაბიშვილი:
“კი აბა რა! ოპოზიცია ციხეშია ან ემიგრაციაში, მარტო ერთი პარტიაა მთელ ქვეყანაში და დანარჩენი აკრძალულია, მიტინგებს თუ ვინმე გაბედავს გადაუვლიან ტანკებით, კორუფცია და მექრთამეობა აყვავებულია და კაი მაყუთსაც ჭრიან…
არაა მისაბაძი?
P. S. ისე, მგონი ოცნებაში ტრამპზე საბოლოოდ ჩაიქნიეს ხელი, ამერიკას ღია ომს უცხადებენ და ჩვენც მაგ ომში გვითრევენ. გლობალური ომის პარტიაო, რომ ამბობდნენ, თურმე საკუთარ თავზე გველაპარაკებოდნენ🙂“, – წერს დავით ზურაბიშვილი ფეისბუქის პირად გვერდზე.
