“ძალიან გთხოვთ ლაშა ტალახაძეს ბეყეს და უინტელექტოს ნუ ეძახით… უნიჭიერესი ფარცოვშიკი დადგებოდა მისგან” – ირაკლი ოქრუაშვილი

ოპოზიციონერი პოლიტიკოსი, შინაგან საქმეთა და თავდაცვის ყოფილი მინისტრი ირაკლი ოქრუაშვილი ირინიულ შეფასებებს აკეთებს ძალოსანი ოლიმპიური ჩემპიონის, პარლამენტარ ლაშა ტალახაძის მიმართ:

“ძალიან გთხოვთ ლაშა ტალახაძეს ბეყეს და უინტელექტოს ნუ ეძახით. საერთოდ არაა მასე. მაგ კაცს საბჭოთა კავშირის დროს რომ ეასპარეზა უნიჭიერესი ფარცოვშიკი დადგებოდა მისგან. წაიღებდა აქედან, ზოგიერთი გორელი მოჭიდავესავით, შავ ხიზილალას და გადაცვლილი მოხარშული ჯინსებით თუ “ჟუაჩკებით” ივაჭრებდა გაჩიანის ბაზრობაზე.

რაც შეეხება ახლანდელს, კაცმა ისე ხელსაყრელად გადაახურდავა 3 ოქროს მედალი 30 ვერცხლზე, რომ ნამდვილად იმსახურებს ორი სამი სავალუტო ჯიხურის ჩადგმას პარლამენტის წინ“, – წერს ფეისბუქის პირად გვერდზე ირაკლი ოქრუაშვილი.