ქართველი მწერალი და დრამატურგი, ლაშა ბუღაძე სოციალურ ქსელში ემოციურ სტატუსს აქვეყნებს ამერიკის საპრეზიდენტო არჩევნებთან დაკავშირებით და ნეგატიურ დამოკიდებულებას აფიქსირებს არჩეულ პრეზიდენტ დონალს ტრამპთან დაკავშირებით:
,,მე ის მაოცებს, ქართველი ემიგრანტების ნაწილს ის რომ ახარებს, ემიგრანტებს გააძევებსო. ფეისბუქზე ისეთებსაც ვხედავ, ლეგალურად ყოფნის პრობლემა რომ აქვთ და მაინც ხარობენ ამ არამზადას გამარჯვებას.
ზოგი ქალის სიხარულიც ცალკე საკვლევია – კაცი აბორტის უფლებას ართმევს ქალებს (თან ტყუილებს ბოდავს, ფედერალურ დონეზე არ შევეხებიო) და მაინც მოსწონთ. თუმცა, გასაოცებელი არაფერია. ყველაფერი გასაგებია. ეს არა პოლიტიკური, არამედ ახლებური კლასობრივი ომია – სოციალური და არა პოლიტიკური.
ჩვენ ჩვენი ბრძოლა გვაქვს. ჩვენ აქ მაინც მოვიგეთ – სულით და მისწრაფებით დემოკრატებმა… და გაგვიყალბეს.
იმედია, უკრაინა მაინც შეინარჩუნებს გამძლეობას. მთავარი ესაა”, – წერს ლაშა ბუღაძე.
ინფორმაციისთვის: ამერიკის საპრეზიდენტო არჩევნებში ხმათა უმრავლესობა რესპუბლიკელების კანდიდატმა, დონალდ ტრამპმა დააგროვა და ის იქნება აშშ-ს 47-ე პრეზიდენტი.
ავტორი
ნინი ხიჯაკაძე
