,,ანტისაოკუპაციო მოძრაობის” ლიდერი, დავით ქაცარავა სოციალურ ქსელში სტატუსს აქვეყნებს, სადაც საქართველოს ოკუპირებულ ტერიტორიებთან მიჯნაზე მყოფ სოფელზე საუბრობს:
,,გამოვედით ჩორჩანის ტყიდან.
ეს ის ადგილია, რომელიც ოკუპანტებს ახალი ოკუპაციისთვის აქვთ გამზადებული.
დარწმუნებულები ვიყავით, რომ ეს ტერიტორია მიტოვებული და უყურადღებოდ დარჩენილი იქნებოდა.
სამწუხაროდ, ასეც აღმოჩნდა.
ამის შემდეგ გადავწყვიტეთ სოფელ ჩორჩანაში შესვლა. ცნობისთვის, სოფელ ჩორჩანის შესასვლელში არ დგას პოლიციის პოსტი, ნებისმიერს შეუძლია იქ შესვლა.
ამჯერად, პოლიცია იდგა და არ შეგვიშვეს. შეათანხმეთო.
ჩორჩანის შესასვლელში კი არ უნდა იდგეს პოლიცია, არამედ პატრულირებდეს ოკუპაციის ხაზის გასწვრივ, მთელს გაყოლებაზე, ოთხივე რეგიონში, რომლებიც ესაზღვრებიან ოკუპაციის ხაზს.
ეს მთავრობა რუსების სიმშვიდეს იცავს, ჩვენსას არა.
ეს მთავრობა რუსებს უქმნის კომფორტს და ზრუნავს იმაზე, რომ
ორკების წინსვლა არ შეფერხდეს.
ეს მთავრობა უნდა წავიდეს – 26 ოქტომბერს ჩვენ უნდა გავუშვათ მოღალატეთა ხროვა მის ორგანულ, ბუნებრივ გარემოში, რუსეთში.
#ძალაერთობაშია
#ბრძოლასყოველთვისაქვსაზრი”, – წერს დავით ქაცარავა.
ავტორი
ნინი ხიჯაკაძე
