“სტრატეგია აღმაშენებლის”, “გირჩი მეტი თავისუფლების”, “დროას” და “ლელოს” ლიდერები ლიეტუვის პარლამენტში იმყოფებოდნენ, სადაც სხდომის მიმდინარეობის მომენტში პარლამენტარები ტაშით შეეგებნენ.
ოპოზიციური პარტიების წარმომადგენლები საგარეო საქმეთა კომიტეტის თავმჯდომარესა და წევრებს შეხვდნენ. შეხვედრა ასევე გამართეს ევროპული კომიტეტის წევრებთანაც.
გარდა ამისა ოპოზიციონერი პოლიტიკოსები რამდენიმე დღის განმავლობაში შეხვედრებს გამართავენ, ისინი “ალდეს” შეკრებასაც დაესწრებიან:
“მართლაც იშვიათი შემთხვევაა, პარლამენტში, ევროკავშირის წევრ ქვეყანაში ასე ხვდებიან ოპოზიციის წარმომადგენლებს, ჩვენი ლიეტუველი მეგობრების ძალიან მაღალი დონის დახვედრა პარლამენტში და რაზე იყო საუბარი? საუბარი იმაზე, რომ საქართველო უნდა გახდეს ევროკავშირის წევრი.
ლიეტუვა ყოველთვის იყო ჩვენი ელჩი ევროინტეგრაციის, ევროატლანტიკური ინტერგრაციის პროცესში და დღეს დიდი მწუხარებაა იმის გამო, რაც დამართა ქვეყანას ივანიშვილმა და მისმა ოცნებამ.
26 ოქტომბერს აბსოლუტურად ყველა უყურებს, დიდი გამარჯვება, დიდი წინსვლა, სწრაფი ინტერგრაცია ევროკავშირისკენ, თუ ჭაობი და უფრო მეტი პრობლემები საქართველოს, ეს არჩევანი უკვე ჩვენ ქართველმა ხალხმა უნდა გავაკეთოთ და აქედან, ლიეტუვიდან სრული მხარდაჭერა ხალხს, საქართველოს მოქალაქეებს, იმ მშვიდობიან, იმ განგრძობად, იმ სულისშემძვრელ დიდ პროტესტს, რომელიც იყო საქართველოში.
ერთი მხრივ სანქციების პრობლემა ივანიშვილს და მის გარემოცვას და მეორე მხრივ გზა საქართველოს მოქალაქეებისთვის, რომ ევროკავშირის სრულუფლებიანი წევრი გავხდეთ.
წინ დიდი გამარჯვებისკენ!”- აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
