მიხეილ სააკაშვილი სალომე ზურაბიშვილის ინიციატივას ეხმაურება რეფერენდუმთან დაკავშირებით, რომ საქართველოს მოქალაქეებმა დააფიქსირონ თავიანთი პოზიცია/სურვილი ქვეყნის პოლიტიკურ კურსთან დაკავშირებით – ევროპისკენ თუ რუსეთისკენ:
“გუშინ ჩვენ ხარებას პირით საჯაროდ გამოგვიცხადეს, რომ საქართველოში საბოლოოდ დამყარდა ტერორისტული რეჟიმი.
მივესალმები რეფერენდუმის იდეას, ამავე დროს ამ საქმეს მარტო რეფერენდუმით ვერ ვუშველით (თუმცა თავისთავად ხელმოწერების ფართო კამპანიას მოაქვს თავისი სარგებელი). საჭიროა მრავალმხრივი, ძლიერი პასუხი და ძალიან კარგი ორგანიზება, ველზე ბევრი ლიდერის გააქტიურება, ყველგან და ყველა მიმართულებით.
UPD:
მე ყოველთვის მივესალმები ნებისმიერ იდეას, მათ შორის ,,რეფერენდუმის”(კაზუისტიკაში ნუ შევალთ), რომელიც პოლიტიკურად გაააქტიურებს საზოგადოებას, ხელს შეუწყობს მის მობილიზებას წინასაარჩევნო პერიოდში და არ დააგდებს საზოგადოებაში არსებულ პოლიტიკურ მუხტს.
ჩემი აზრით, პრეზიდენტის მიერ შემოთავაზებული “რეფერენდუმისათვის” ხელმოწერების შეგროვების პროცესი (დამოუკიდებლად იმისა, გამოცხადდება თუ არა საბოლოოდ “რეფერენდუმი”) უნდა გამოვიყენოთ, როგორც ერთ-ერთი თავისთავად კარგი მექანიზმი, რომელიც ლიდერებს და აქტივისტებს მოსახლეობასთან აქტიური კონტაქტის საშუალებას მისცემს.
საჭიროა მრავალმხრივი, ძლიერი აქტივობები და მოქმედებები, ძალიან კარგი ორგანიზება და კოორდინაცია“, – აცხადებს მიხეილ სააკაშვილი.
