“ქართული ოცნების” პოლიტ-კულუარულ საუბრებზე, ირონიული მინიშნებებით, წერს სოციალურ ქსელში “ქრონიკა +”-ის დამფუძნებელი, ელისო კილაძე:
“აქამდე, დეპუტატებს ანუგეშებდნენ, სანქციები თუ დაგვადეს, ტრამპი მოვა და მოგვიხსნისო. მას მერე რაც კანონპროექტი ტრამპის მომხრე კონგრესმენმა დაარეგისტრირა, ეუბნებიან, ამერიკაა ეს, კანონპროექტის კანონად ქცევას ექვსი თვე სჭირდება, ჩვენსავით 67 წამში კი არ იღებენ, ექვს თვეში არჩევნებია აშშ-ში და ჩვენ ვის გავახსენდებითო“, – წერს ფეისბუქის პირად გვერდზე ელისო კილაძე.
მანამდე, ასევე ფეისბუქის პირად გვერდზე, საპარლამენტო უმრავლესობის დეპუტატებთან დაკავშირებით კონკრეტულ ინფორმაციებს ავრცელებს:
“84 მონას შორის, 18 დეპუტატის ქონება ას მილიონს აღემატება.
თვრამეტივემ იცის, რომ სანქციების პირველ ოცეულშია!
დიდი დუღილი მიდის შიგნით!
ჩემი წყაროს ინფორმაციით,გამოსავლის გზებს ეძებენ‼️
ამაზე მაშინ გეფიქრათ, როცა ღილაკს თითს აჭერდით!” – აღნიშნავს ელისო კილაძე.
