პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი კომენტარს აკეთებს ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის შესაძლო დასანქცირების საკითხთან დაკავშირებით:
,,ჩვენ ვუსმენთ ყველას, მაგრამ გადაწყვეტილებებს ვიღებთ ისე, როგორც ჩვენი საზოგადოებისა და სახელმწიფოსთვის არის უკეთესი.
რაც შეეხება სანქციების თემას:
ეს, ერთი მხრივ, ხელოვნურია, მაგრამ მეორე მხრივ, არაფორმალურად, ვიცით, რომ ბიძინა ივანიშვილი უკვე დასანქცირებულია და მას უკანონოდ აქვს წვდომა შეზღუდული ანგარიშებზე.
[ბიძინა ივანიშვილმა] არა ერთ საერთაშორისო სასამართლოში დაამტკიცა თავისი სიმართლე. ცხადია, ამ ადამიანს თუ ვერ იცნობენ, ახლა მაინც გაიცნონ, რომ მსგავსი საკითხებით შანტაჟს აზრი არ აქვს მისთვის, როდესაც ქვეყნისა და ერის საქმეს ეხება”, – განაცხადა რატი იონათამიშვილმა.
ავტორი
ნინი ხიჯაკაძე