,,ჭავჭავაძის ცენტრის” დამფუძნებელი, ზაზა ბიბილაშვილი Facebook-ის პირად გვერდზე ემოციურ სტატუსს აქვეყნის, სადაც ქვეყანაში მიმდინარე პროცესებს აფასებს და საქართველოს გამარჯვებაზე საუბრობს:
,,ბოლო წლებმა მილიონობით უცხოელს შეაყვარა საქართველო თავდავიწყებით – ხაჭაპურისთვის, ელარჯის წელვისთვის და “სტუმართმოყვარეობისთვის” კი არა – თავისუფლებისადმი დაუოკები ლტოლვისთვის, რომელიც ჩვენში ლამის გენეტიკურ კოდად ქცეულა: იმისთვის, რომ ერთმანეთს “გამარჯობით” – ანუ “გამარჯვებით” – ვესალმებით;
იმისთვის, რომ ჩვენთვის ჯერ თავისუფლებაა, მერე – გამარჯვება და მხოლოდ მერე – მშვიდობა, როგორც თავისუფლებისა და გამარჯვების ლოგიკური შედეგი. ასეთი საქართველო მიყვარს და მეამაყება. ასეთ საქართველოს შესციცინებენ ჩვენი გულანთებული ფანები ევროპასა და ამერიკაში.
და ზუსტად ვიცი, რომ ამ – გამარჯვებული საქართველოს – სულისკვეთებას ვერავინ და ვერაფერი დაამარცხებს. ცოტაც დარჩა – სულ ცოტაც – და გავიმარჯვებთ!”, – წერს ზაზა ბიბილაშვილი.
ავტორი
ნინი ხიჯაკაძე