ელისო კილაძე საპროტესტო აქციებს ეხმაურება, 1 მაისის საპროტესტო აქციასთან მიმართებაში მწვავე პოზიცია-შეფასებებს აფიქსირებს და კონკრეტული ინფორმაციები, გადაწყვეტები აინტერესებს:
“ბოდიში, მაგრამ უნდა დავწერო, სჯობს ახლა გაბრაზდეთ, მაგრამ სამომავლოდ გამოგადგებათ! (ბოლომდე ჩაიკითხეთ).
რუსული კანონი უკვე მიღებულია (მესამე მოსმენა არის ტექნიკური დეტალების გასწორება).
ქვეყანაში არის უდიდესი მუხტი და ძალიან ბევრი ადამიანი რომელიც ეწინააღმდეგება რუსეთს! საზოგადოებამ არნახული მზაობა და სოლიდარობა გამოიჩინა!
გუშინდელი აქცია იყო არაორგანიზებული!
ჯერ გამოაცხადეს თბილისის ქუჩებში სეირნობა (ლაკა ხოშტარია, სოფო ჯაფარიძე წაგიძღვებათო) მერე ათ წუთში შეცვალეს და პარლამენტის შესასვლელები ჩავკეტოთო. (ამ დროს დეპუტატები უკვე გასულები იყვნენ შენობიდან).
მესამე მოსმენა არის 17 მაისს, შემდეგი თარიღი იქნება პრეზიდენტის ვეტოს დაძლევის დღე!
- მკაფიოდ გვითხარით, ვინ არის (არიან) აქციის ორგანიზატორი;
2. მკაფიოდ გვითხარით გეგმა და რა შედეგზე უნდა გავიდეს აქცია!
3. წყლის ჭავლზე ცეკვის და მხუთავი აირის ყლაპვის პროცესი გავიარეთ!
4. მსოფლიომ უკვე იცის რომ ქართველი ხალხი რუსეთს ეუბნება არას!
P.S. საქართველოში აქციების შედეგით დასრულებაა პრობლემა და არა დაწყება!
გამარჯვება გვჭირდება‼️‼️‼️
მოვისმენ ნებისმიერ განსხვავებულ აზრს!“, – წერს ფეისბუქის პირად გვერდზე ელისო კილაძე.