“ჩემო ბიძინა, მსოფლიოსთან ომში ჯერ არავის გაუმარჯვია და მაგ საქმეს მარტო პუტინი არ შველის” – მიხეილ სააკაშვილი

მიხეილ სააკაშვილი 29 აპრილს “ქართული ოცნების” მიერ ორგანიზებულ შეკრებას ეხმაურება, კონკრეტული გზავნილებით:

“გუშინდელმა დღემ კადაფის ბოლო გამოსვლები გამახსენა. მმართველობის მიწურულს ისიც გაიძახოდა, რომ მთელი მსოფლიო მას ეომებოდა, მაგრამ გამარჯვებას აპირებდა.

ჰოდა, ჩემო ბიძინა, მსოფლიოსთან ომში ჯერ არავის გაუმარჯვია და მაგ საქმეს მარტო პუტინი არ შველის.

მითუმეტეს, რომ მსოფლიოს თან ერთვის ქართველი ხალხის აქტიური წინააღმდეგობაც.

შენთვის გასაგებ ენაზე გეტყვი:

“Пора собирать манатки”, განსაკუთრებით გუშინდელის შემდეგ

გუშინ იყო ივანიშვილის საბოლოო coming out. ყველაფერი რისი თქმაც ბოლო 12 წლის განმავლობაში უნდოდა, მაგრამ თავს იკავებდა, გუშინ ბოლომდე ამოღერღა.

თუკი ვინმეს ეჭვი ეპარებოდა რამეში, მე მგონი გუშინდელი დღის შემდეგ, ყველაფერი დღესავით ნათელია და ისეთივე კონტრასტია, როგორც განათებულ, ახალგაზრდულ, მოღიმარ რუსთაველსა და გაბოროტებულ, გაუბედურებულ, დაბნელებულ რუსთაველს შორის“, – აცხადებს მიხეილ სააკაშვილი.