პარტია ,,ქართული ოცნების” თავმჯდომარე, ირაკლი ღარიბაშვილი პოლიტიკურ პოზიციას აფიქსირებს იმასთან დაკავშირებით, თუ რა უნდა იყოს დღის წესრიგში პრიორიტეტული საკითხი, მსოფლიოში მიმდინარე პროცესების ფონზე:
,,დღეს ზოგიერთებს დაავიწყდათ, რომ მსოფლიოში არის აბსოლუტურად არაპროგნოზირებადი უსაფრთხოებისა და პოლიტიკური გარემო. ის წესრიგი, რომელიც არსებობდა მსოფლიოში, დღითიდღე ირღვევა. ახალი წესრიგი ჯერ ჩვენ არ ვიცით როდის ჩამოყალიბდება, რა კონფიგურაცია დაჯდება საბოლოო ჯამში, არავინ არაფერი არ იცის.
ომი უკრაინაში გრძელდება. კაცმა არ იცის, როდის დასრულდება. ის საფრთხე, რომელზეც ჩვენ ვსაუბრობდით საზოგადოებაში, რომ არსებობს ამ ომის ჩვენს ქვეყანაში გადმოტანის რეალური საფრთხე და ეს საფრთხე არსად არ წასულა.
ის უპასუხისმგებლო ძალები, რომლებიც ცდილობდნენ, ჯერ კიდევ მაშინ, ომი როცა დაიწყო უკრაინაში, რომ ჩვენი ქვეყანა ომში ჩაეთრიათ და ეს კონფლიქტი ჩვენ ქვეყანაში გადმოეტანათ, ამ უპასუხისმგებლო ადამიანებს მინდა მივმართო – რომელი იქნება საერთოდ პასუხისმგებლობის ამღები, ქვეყანაში რომ სიტუაცია ისე არ განვითარდეს, როგორიც დღეს არის?
ერთადერთი პასუხისმგებლიანი პოლიტიკური ძალა, რომელმაც დღეს ქვეყანაში მშვიდობა და სტაბილურობა შეინარჩუნა, ეს არის ,,ქართული ოცნება”. თუ ვინმე არის შემძლე ამ მშვიდობის და სტაბილურობის შენარჩუნების, ეს არის ბიძინა ივანიშვილი, ეს არის ,,ქართული ოცნება”, მეგობრებო”, – განაცხადა ირაკლი ღარიბაშვილმა.
ავტორი
ნინი ხიჯაკაძე
