სამშაბათი, მაისი 21, 2024

“მოვუწოდებთ პაპუაშვილს, რომ მიიღოს დაუყოვნებლივი ზომები, რათა მედიისა და სამოქალაქო სექტორის წარმომადგენლები საქართველოს პარლამენტში შემოვიდნენ” – ხატია დეკანოიძე

საპარლამენტო პოლიტიკური ჯგუფის ,,ევროოპტიმისტების” წევრი, ხატია დეკანოიძე ჟურნალისტებთან კომენტარს აკეთებს საქართველოს პარლამენტის განცხადებასთან დაკავშირებით უსაფრთხოების დამატებითი ზომების შესახებ:

,,მივმართავთ საქართველოს პარლამენტის თავმჯდომარეს, რომელმაც გამოსცა ბრძანება, რომ საქართველოს პარლამენტის შენობაში ამ ძალიან მნიშვნელოვან დღეს მაშინ, როდესაც ,,ქართული ოცნების” უმრავლესობა აპირებს კომიტეტზე გამოიტანოს რუსული კანონი, სხვადასხვა მედიის წარმომადგენლებს არ უშვებენ.

განსაკუთრებით, ეს ეხებათ ონლაინმედიის წარმომადგენლებს. მედიის გარდა არ უშვებენ სხვადასხვა ადამიანის უფლებების დაცვის ორგანიზაციების, ასევე, სამოქალაქო სექტორის წარმომადგენლებს.

ყველა ერთად მოვუწოდებთ საქართველოს პარლამენტის თავმჯდომარეს, ბატონ პაპუაშვილს, რომ მიიღოს დაუყოვნებლივი ზომები, რათა მედიის, სამოქალაქო სექტორის წარმომადგენლები საქართველოს პარლამენტში შემოვიდნენ”, – განაცხადა ხატია დეკანოიძემ.

ავტორი
ნინი ხიჯაკაძე

 

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული