ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს ,,უცხოური გავლენის გამჭვირვალობის შესახებ” კანონპროექტთან დაკავშირებით:
,,გამჭვირვალობაში ცუდი არაფერი არ არის. ჩვენ, რა თქმა უნდა, გამჭვირვალობის მომხრეები ვართ და ვამბობთ, რომ ქვეყანაში, განსაკუთრებით პოლიტიკურ პროცესში, ნებისმიერი მიმართულება უნდა იყოს გამჭვირვალე, მაგრამ სასაცილო და ღიმილის მომგვრელი არის ის, რომ გამჭვირვალობისკენ მოგვიწოდებს ის ხალხი, რომლებსაც ვერ მივაღებინეთ საკანონმდებლო ცვლილება, რომ ოჯახის წევრები და მშობლები, რომლის საშუალებითაც კორიფციულად მოპარულ ფულს იყენებენ თავიანთი ფეშენებელური ცხოვრების დასაფინანსებლად, ეს კანონმდებლობა, რომ მათ დეკლარაციაში მოხვდეს. ეს ხალხი ახლა ვიღაცებს მოუწოდებენ გამჭვირვალობისკენ.
ამხელა კამპანია, ხელახალი, დაწყებული და არცერთი ქვეყნის პირველი პირი – არც ყოფილი პრემიერი, არც დღევანდელი პრემიერი, რომლებმაც პირდაპირი ვალდებულება აიღეს, რომ ამ კანონს არავინ არ დაუბრუნდებოდა, – არ ჩანს. საბოლოო ჯამში, ავტორი ამ ყველაფრის, ივანიშვილი, საერთოდ დამალულია”, – განაცხადა გიორგი გახარიამ.
ავტორი
ნინი ხიჯაკაძე
