“გახარიას და ბიძინას ერთი ბატონი ჰყავს – პუტინი” – ბეჟან ჯავახია

საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია Facebook-ის პირად გვერდზე პარალელს ავლებს ,,ქართული ოცნების” დამფუძნებელს, საპატიო თავმჯდომარეს, ბიძინა ივანიშვილსა და ყოფილ პრემიერ-მინისტრს, პარტია ,,საქართველოსთვის” თავმჯდომარეს, გიორგი გახარიას შორის და მათ პოლიტიკურ კავშირზე აკეთებს მინიშნებას:

,,გახარიას და ბიძინას ერთი ბატონი ჰყავს – პუტინი. გახარიას კი ორი ბატონი ჰყავს – პუტინი და ბიძინა”, – წერს ბეჟან ჯავახია და იქვე პოსტის კომენტარებში ირონიანარევ პოზიციას აფიქსირებს:

“მომეწონა ინგა გრიგოლიას დასკვნა, დებატების შემდეგ: მე მგონი გზა აგერიათო ბატონო გიორგი🤣“.

ინფორმაციისთვის: TV პირველზე, თოქ-შოუ “რეაქციაში” გამომწვევი, დამაინტრიგებელი “დებატები” გაიმართა გიორგი გახარიასა და ინგა გრიგოლიას შორის, სადაც ყოფილმა პრემიერ-მინისტრმა რამდენჯერმე მოხერხებულად აარიდა თავი ბიძინა ივანიშვილთან დაკავშირებით დასმულ შეკითხვას.

ავტორი
ნინი ხიჯაკაძე