საქართველოს იუსტიციის უმაღლესი საბჭოს წევრი, სააპელაციო სასამართლოს მოსამართლე ლევან მურუსიძე ჟურნალისტებთან კომენტარს აკეთებს ქვეყანაში არსებულ სასამართლო სისტემისა და ,,ვეტინგთან” დაკავშირებით:
,,ზოგადად, როდესაც რაიმე ცუდი უნდა განხორციელდეს, ყოველთვის წინა პლანზე წამოწევენ ხოლმე კეთილშობილურ მიზანს. მოცემულ შემთხვევაში, საუბრობენ კეთილსინდისიერებაზე.
,,ვეტინგთან” დაკავშირებით, რაც ჩვენ პრაქტიკა გვაქვს – ალბანეთში და უკრაინაში, ახლა ხორციელდება მოლდოვაში, იქ მოსამართლეების შემოწმება არ ხდება კეთილსინდისიერების მიხედვით, რასაც პრაქტიკა გვაჩვენებს. რეალურად, ფაქტიურად, სპეცოპერაცია მოხდა და სასამართლოს დაქვემდებარება კონკრეტული პოლიტიკური ძალის მიმართ.
მაგალითად, ალბანეთში, ცნობილია, რომ თვითონ ამერიკელი სენატორები აყენებდნენ საკითხს, რომ ამერიკელი მოქალაქეების გადასახადი, ის თუ მენეჯმენტის მიერ ხდება არაკეთილსინდისიერად გამოყენება, იქ არ ხდება მოსამართლეების შემოწმება კეთილსინდისიერების მოტივით, არამედ სურთ, რომ სასამართლო სისტემა დაუქვემდებარონ მოქმედ პარტიას.
მე ვარ კეთილსინდისიერი მოსამართლე და მოვუწოდებ ყველას – პოლიტიკოსები იქნებიან თუ არასამთავრობო სექტორი – აქ რომ არავინ აპირებს კეთილსინდისიერების შემოწმება იქიდანაც სჩანს, რომ ჩვენს ძალიან ბევრ მოსამართლეს წინასწარ გამოუტანეს განაჩენი.
წლების განმავლობაში მიდის სასამართლო სისტემის დისკრედიტაცია. პირდაპირ მიდის მოსამართლეების დევნა – დემონიზაცია. ანუ, ქმნიდნენ ნოყიერ ნიადაგს იმისთვის, რომ მოხდეს სასამართლოს სისტემიდან მოსამართლეების გაყრა“, – განაცხადა ლევან მურუსიძემ.
ავტორი
ნინი ხიჯაკაძე
