ყოფილი პრემიერ-მინისტრი, პარტია ,,ქართული ოცნების” თავმჯდომარე, ირაკლი ღარიბაშვილი ჟურნალისტებთან კომენტარს აკეთებს პრეზიდენტ სალომე ზურაბიშვილის პოლიტიკურ მოღვაწეობასთან დაკავშირებით:
,,სამწუხაროდ და საუბედუროდ, საქმე გვაქვს ძალიან დიდ უბედურებასთან, რომ იტყვიან, ადამიანი, რომელსაც, ალბათ, წარმოდგენაც და ოცნებაც კი არ შეეძლო, რომ პრეზიდენტი გახდებოდა, ასეთი ადამიანი, რომლის რეიტინგი იყო დაახლოებით 1%, ,,ქართულმა ოცნებამ” ხელი მოკიდა, ჩვენი პარტიის დამფუძნებელმა და პრეზიდენტად დასვეს.
რამდენიმე წელიწადში, ჩვენ ვხედავთ როგორ არის ჩართული სალომე ზურაბიშვილი პირდაპირ დესტრუქციული, მტრული, ანტიქართული, ანტიეროვნული ძალის პოლიტიკაში და ფერხულში, პირდაპირ მათთან კოორდინაციაში. ძალიან სამწუხაროა, მაგრამ ქართველი ხალხი შესაბამის გადაწყვეტილებას ძალიან მალე გამოიტანს.
ძალიან მალე დაუმთავრდება სალომე ზურაბიშვილს პრეზიდენტობის ვადა. ქართველი ხალხი, რა თქმა უნდა, შესაბამის დასკვნას გააკეთებს მის მოღვაწეობაზე“, – განაცხადა ირაკლი ღარიბაშვილმა.
ავტორი
ნინი ხიჯაკაძე
