საპარლამენტო პოლიტიკური ჯგუფის ,,გირჩის” თავმჯდომარე, იაგო ხვიჩია ჟურნალისტებთან კომენტარს აკეთებს პარტიის ოფისის ტერიტორიაზე მასზე განხორციელებული თავდასხმის ფაქტთან დაკავშირებით:
,,ეს ყველაფერი გამოწვეული არის ,,ქართული ოცნების” და საპატრიარქოს ბინძური პროპაგანდით.
ადამიანი ოფისში მოვიდა, რომლის ძმაც ჩვენ დავტოვეთ ჯარიდან, თავის დროზე, ბიბლიური თავისუფლების დახმარებით. მერე ეს ძმა წავიდა ამერიკაში. ახლა მეორე ძმამ მამა შალვას და მისი ძმაკაცების პროპაგანდიდან გამომდინარე, გადაწყვიტა, რომ ჩვენ მისი ძმა სატანას ვაზიარეთ.
ოფისში გასა*რაკებლად მოვიდა. თანამშრომლებს შეურაცხყოფას აყენებდა, რომელშიც ჩავერიე და უბრალოდ მისი მოქნეული ხელი მომხვდა. მერე საკაიფოდ ვცემეთ, მაგრამ ჯერ მაინც არ მინდა, რომ დაიჭირონ. იმიტომ, რომ კიდევ მყავს ერთხელ საცემი.
არ ვთანამშრომლობ გამოძიებასთან. მე თვითონ მივხედავ.
ჟურნალისტების შეკითხვა: რას ნიშნავს თქვენ თვითონ მიხედავთ?
ჩვენ მივხედეთ გუშინაც“, – განაცხადა იაგო ხვიჩიამ.
ავტორი
ნინი ხიჯაკაძე
