“კოალიცია “ნაციონალურ მოძრაობასთან” არის წითელი ხაზი, “ოცნებასთან” არის ლურჯი ხაზი” – გიორგი გახარია

ყოფილი პრემიერ-მინისტრი, პარტია ,,საქართველოსთვის“ თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში“ საუბრობს 2024 წლის საპარლამენტო არჩევნებისთვის სხვადასხვა პოლიტიკურ გაერთიანებებთან დაკავშირებით:

,,ნებისმიერი ერთობა, რომელმაც შეიძლება რაიმე წარმატებას მიაღწიოს ფასეულობებზე დაყრდნობილი ერთობა უნდა იყოს. სწორედ ამიტომ, ამ ფასეულობებიდან გამომდინარე, ჩვენ თავიდანვე, ყველაზე ადრე ვთქვით, რომ 2024 წლის არჩევნებს პარტია ,,საქართველოსათვის” ჩაატარებს დამოუკიდებლად.

კოალიცია ,,ნაციონალურ მოძრაობასთან” არის წითელი ხაზი. ,,ოცნებასთან” არის ლურჯი ხაზი. ხუმრობას რომ თავი დავანებოთ, დღევანდელ ,,ოცნებასთან” არის მიუღებელი.

სინამდვილეში, ,,ნაციონალური მოძრაობა” მთავარი ოპოზიციური ძალა უკვე დიდი ხანია აღარ არის.

,,ნაციონალური მოძრაობა” ამ არჩევნებზე რამდენ ძალად წავა, იცით თქვენ?! მე, მაგალითად, არ ვიცი. შეიძლება წავიდეს ორ ძალად, შეიძლება სამ, ოთხ… არავინ არ იცის ხომ?

რაც უფრო მეტი პოლიტიკური პარტია იქნება დამოუკიდებელი ,,ნაციონალური მოძრაობისგან”, რეალურად დამოუკიდებელი ,,ოცნებისგან”, რა თქმა უნდა, ქვეყნისთვის ეს იქნება კარგი. ამ შემთხვევაში, ჩვენი მიზანი და სტრატეგია, რომ ,,ნაციონალურმა მოძრაობამ” და ,,ქართულმა ოცნებამ” ერთად ვერ გადალახონ 50%-იანი ბარიერი, იქნება რეალური“, – განაცხადა გიორგი გახარიამ.

ავტორი
ნინი ხიჯაკაძე