ყოფილი პრემიერ-მინისტრი, პარტია ,,ქართული ოცნების” თავმჯდომარე, ირაკლი ღარიბაშვილი ჟურნალისტებთან განცხადებას აკეთებს პრემიერ ირაკლი კობახიძის მიერ განხორციელებულ საკადრო ცვლილებებთან დაკავშირებით გაკეთებულ განმარტებებზე:
,,ნუ ეძებთ რაღაც სკანდალს, ვერ იპოვით! ძალიან მარტივად არის მდგომარეობა რეალურად. მთავრობის მეთაური არის ირაკლი კობახიძე. მე როცა ვიყავი პრემიერ-მინისტრი, მაშინ, თუ არ ვცდები, 6 მინისტრი შევცვალე. ეს არის აბსოლუტურად ჩვეულებრივი მოვლენა.
ირაკლი კობახიძეს შესაძლოა ჰქონდეს საკუთარი შეხედულებები, მოსაზრებები, რომელსაც შეიძლება არ ეთანხმებიდეს რომელიმე მინისტრი, ან პირიქით – მინისტრს ჰქონდეს განსხვავებული შეხედულება.
ჟურნალისტის შეკითხვა: ეს ნიშნავს თუ არა დაპირისპირებას?!
დაპირისპირება არ არის. პრემიერ-მინისტრის პრეროგატივაა მინისტრების წარდგენა, მოხსნა, დანიშვნა.
მოვისმინე რაღაც სხვა განცხადებებიც, რომ თითქოს ადმინისტრაციის უფროსიც გაუშვა. უკაცრავად, ადმინისტრაციის უფროსი არის პრემიერის ნდობით აღჭურვილი პირი. ჩემი ადმინისტრაციის უფროსი რატომ უნდა ყოფილიყო ირაკლი კობახიძის ადმინისტრაციის უფროსი?!
მე მინდა საჯაროდ მადლობა გადავუხადა ზურა აზარაშვილს. მან ძალიან ბევრი სასარგებლო საქმე გააკეთა ჩვენი ხალხისა და ქვეყნისთვის. 30 წლის განმავლობაში რომ არ განხორციელებულა, ისეთი მძიმე რეფორმები განახორციელა და დაიწყო.
ჟურნალისტის შეკითხვა: რესპუბლიკური საავადმყოფო თქვენ დროს დასანგრევი იყო და ახლა აღარ არის?!
რესპუბლიკურ საავადმყოფოზე ჩვენ გვქონდა განსხვავებული შეხედულება, მეც – მათ შორის. ახლა შეიცვალა ეს ვითარება და განსხვავებული შეხედულება ჩამოყალიბდა. ნორმალურია! მე სხვა პიროვნება ვარ!“, – განაცხადა ირაკლი ღარიბაშვილმა.
ავტორი
ნინი ხიჯაკაძე
