„ეროვნული იდენტობისთვის ყველაზე დიდი საფრთხე არის ის, რომ საკუთარი ქვეყნის მოქალაქე სიღარიბისა და უმუშევრობის გამო გარბის სამშობლოდან,“ – ამის შესახებ „სტრატეგია აღმაშენებლის“ გენერალურმა მდივანმა, პაატა მანჯგალაძემ საქართველოში არსებულ მძიმე სოციალურ – ეკონომიკურ ვითარებასთან დაკავშირებით განაცხადა.
როგორც ოპოზიციონერი დეპუტატი აღნიშნავს, „ქართული ოცნება“ სიღარიბესა და უმუშევრობას ქმედუნარიანი ნაბიჯებით არ პასუხობს.
მანჯგალაძის თქმით, ხალხის რეალურ საჭიროებებს „ოცნება“ ცრუ დისკუსიების მოწყობითა და სიძულვილის ენით ფარავს:
“ეროვნული იდენტობისთვის ყველაზე დიდი საფრთხე არის ის, რომ საკუთარი ქვეყნის მოქალაქე სიღარიბისა და უმუშევრობის გამო გარბის სამშობლოდან.
ნაცვლად იმისა, რომ ამ მძიმე ვითარებას “ქართულმა ოცნებამ” გაკეთებული საქმეებით უპასუხოს, გადასულია სიძულვილის ენაზე და არაფრისმომცემ პოლიტიკურ საკითხებზე ცრუ დიაკუსიების მოწყობაზე, რომ მოქალაქემ არ დასვას კითხვები:
12 წლის მანძილზე რატომ არ შეიქმნა სამუშაო ადგილები?
რატომ არ გაძლიერდა ეკონომიკა?
რატომ იზრდება ფასები და ამის შესაბამისად, რატომ არ იზრდება მოქალაქის შემოსავალი?“ – განაცხადა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
