რუსეთის საპატიმროში ალექსეი ნავალნის გარდაცვალებას სხვადასხვა ქვეყანაში, მათ შორის, საქართველოში მწვავე ემოციური შეფასებებით გამოეხმაურნენ და მის გარდაცვალებაში პირადად რუსეთის პრეზიდენტი, ვლადიმერ პუტინი დაადანაშაულეს. ნავალნისთან მიმართებაში განსხვავებული პოზიცია დააფიქსირა საქართველოს საზოგადოებრივი მაუწყებლის სამეურვეო საბჭოს წევრმა, ბონდო მძინარაშვილმა:
“ნავალნის ჯანმრთელობის პრობლემების არაფერი ეტყობოდაო…
ანუ გუშინ ვნახე, იცინოდაო!
ბარემ თქვით, – ღმერთმა თავისთან წაიყვანა ანდა სიკვდილსაც კარგი უნდა თავისთვისო.
ქელეხი, ცხრა, ორმოცი და წლისთავი აუცილებლად სოლიდური უნდა იყოს, – ცნობილ რუს შოვინისტს და ქართველთმოძულეს უბრალო არ ეკადრება.
იტირეთ, მოთქმით იტირეთ, გული ამოაყოლეთ და ცინგლები კრემლის გამოსახულებიანი ცხვირსახოცით მოიწმინდეთ!
ახლა ვიღაც თუ გაიფიქრებს, – ადამიანი მოკვდა და რას წერსო, ჩემი პახუხია: აი, დარდი!” – წერს ფეისბუქის პირად გვერდზე ბონდო მძინარაშვილი.
