ორგანიზაცია ,,სასამართლოს გუშაგის” დამფუძნებელი, ნაზი ჯანეზაშვილი ჟურნალისტებთან კომენტარს აკეთებს, სასამართლო სისტემაში არსებული საქმეების განხილვის გაჭიანურების პრობლემასთან დაკავშირებით:
,,საქართველოს სასამართლო სისტემაში საქმეების განხილვის გაჭიანურება არის ერთ-ერთი მწვავე პრობლემა და ეს არის საკითხი, რომელსაც ხელისუფლებაც აღიარებს, რომ პრობლემაა და მათ შორის, თვითონ სასამართლო სისტემა, თუმცა შეგვიძლია ვთქვათ, რომ ფაქტობრივად არაფერი კეთდება სასამართლოში იმისათვის, რომ საქმეთა გაჭიანურების საკითხი მოგვარდეს.
დღეისათვის ეს პრობლემა წარმოშობილია, როგორც მინიმუმ, მოსამართლეთა მცირე რაოდენობის გამო. ამჟამად, სისტემაში არის დაახლოებით 100 ვაკანსია და სასამართლო ფაქტობრივად არაფერს აკეთებს იმისთვის, რომ ეს ვაკანსიები შეივსოს.
ასე ვთქვათ, ეს ქმნის ძალიან დიდ ბარიერებს, არა მხოლოდ მოქალაქეებისთვის, ასევე მოსამართლეებისთვის ქმნის ძალიან დიდ რისკებს, რომ შეიძლება მოხდეს მათი ძალიან სერიოზული სანქცირება, დისციპლინური წესით’’,- განაცხადა ნაზი ჯანეზაშვილმა.
ავტორი
მარიამ ხაჩირაშვილი
