პარტია “სტრატეგია აღმაშენებელი” განცხადებას ავრცელებს, რომლის თანახმადაც მხარდაჭერას გამოხატავენ და უერთდებიან 9 დეკემბერს დაგეგმილ მარშს “შენი ხმა ევროკავშირს”:
„“სტრატეგია აღმაშენებელი” უერთდება ხვალ, 9 დეკემბერს 14:00 საათზე დაგეგმილ მარშს “შენი ხმა ევროკავშირს”, რომელიც არის ზეპარტიული აქცია.
ეს იქნება ქართველი ხალხის ნების კიდევ ერთხელ დადასტურება, გამოხატულება, რომ ევროპა ნამდვილად არის ჩვენი მრავალსაუკონოვანი არჩევანი და არა მხოლოდ არჩევანია, არამედ დიდი მიზანი, რომლის განხორციელებისთვისაც ყველამ ყველაფერი უნდა გავაკეთოთ“ – ნათქვამია “სტრატეგია აღმაშენებლის” განცხადებაში.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
