,,გამარჯვების კოალიციის“ ერთ-ერთი ლიდერი, ,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე ტელეკომპანია ,,პირველის” ეთერში რუსუდან დუმბაძის ,,დღის ამბებში’’ შეფასებებს აკეთებს მმართველი პარტიის მიერ წარმოებულ პოლიტიკასთან დაკავშირებით:
,,ერთი რამე მინდა ვთქვა, ხშირად გაიჟღერა, რომ აშინებს ,,ქართული ოცნება” – ,,ნაციონალური მოძრაობა”, ორპოლუსიანობა… ერთადერთი ორპოლუსიანობა იქნება შემდეგ არჩევნებზე – რუსეთი თუ ევროკავშირისკენ მიმავალი ძალები. აი, ეს იქნება. ახლა ,,ქართული ოცნება” რომ აშინებს, რაღაცა ყველანი მიშისტები, ,,ნაციონალური მოძრაობის” მომხრეები იქნებიან. მე მგონი, ეს პარტიები არ უნდა დაკომპლექსდნენ.
არავის არ სჯერა, რომ, მაგალითად, გიორგი გახარია არის ,,ნაციონალური მოძრაობის” მომხრე. ამიტომ ამით არ უნდა დავკომპლექსდეთ. ამით 2018 წელსაც არ დაკომპლექსდა ოპოზიცია. იმას კი არ უნდა დავუპირისპირდეთ ,,ქართული ოცნება” რასაც ამბობს ,,მე ახლა ის უნდა ვთქვა, რომ ასე არ არის“. არა! როგორც ჩვენ, ,,გამარჯვების კოალიცია” ჩვენი დღის წესრიგით ვმოქმედებთ, ასე უნდა ჰქონდეთ.
ვისით აშინებენ?! თქვენ ნახეთ ყრილობა, თუნდაც, ჩვენ გვქონდა 2 დღის წინ ჩატარებული, ვისი ეშინია?! პირიქით – ნათელი სახეების ცვენა არის, იგივე – ჩვენს კოალიციაში.
თინა ბოკუჩავათი აშინებენ ვინმეს?! გიორგი ვაშაძეთი აშინებენ ვინმეს?! ლევან ხაბეიშვილით აშინებენ ვინმეს, ირაკლი ფავლენიშვილით?! ვასო ურუშაძეთი?! რავიცი, ახალგაზრდებით, რომლებსაც რას მიედავებიან?! ალექსი კრევო ასათიანით აშინებენ?! ჩემით აშინებენ?!
ხო ეს არის, ეს სახეები და რა სიგიჟეა, ვის ეშინია?! პირიქით, ეს არის ნათელი ალტერნატივა. ვერავის შეაშინებენ კი არა, ეს არის ჩვენი კოალიციის პლიუსი’’, – განაცხადა სერგო ჩიხლაძემ.
ავტორი
მარიამ ხაჩირაშვილი
