გამარჯვების პლატფორმის ფარგლებში ,,ერთიანი ნაციონალური მოძრაობის” სამოქალაქო ინტეგრაციის მდივანმა ედო ჯავახიძემ ,,სტრატეგია აღმაშენებლის” ეთნიკური და რელიგიური უმცირესობების მიმართულების ხელმძღვანელთან, შორენა ლობჟანიძესთან ერთად სამუშაო შეხვედრა ,,საქართველოს მრავალფეროვნება“ გამართეს საქართველოში რელიგიურ-ეთნიკურ თემებს შორის:
,,ენმ და სტრატეგია აღმაშენებელი აქტიურად იკვლევს საქართველოს ეთნიკური და რელიგიური ჯგუფების გამოწვევებს, რომელთა გადაჭრისთვისაც მოხდება შესაბამისი ხედვისა და პოლიტიკური დოკუმენტის შემუშავება.
სწორედ ამ მიზნით, დღეს შეხვედრა გავმართეთ სხვა და სხვა ეთნიკური და რელიგიური ჯგუფების წარმომადგენლებთან.
საქართველოს საზოგადოების ერთიანობა, სოლიდარულობა და სრული სამოქალაქო ინტეგრაცია არის ფუნდამენტი, რასაც უნდა დაეფუძნოს ჩვენი სახელმწიფოებრიობა. ყოველივე კი საჭიროა ქვეყნის დემოკრატიული განვითარებისთვის, ერთიანი ეროვნული ქსოვილის გასაძლიერებლად, ადამიანის უფლებების დაცვისთვის და ეკონომიკის განსავითარებლად“, – განაცხადა ედო ჯავახიძემ.
,,არადომინანტური ჯგუფების მიმართულებით დღეს სერიოზული პრობლემები და გამოწვევებია, რომელთა შორის უმთავრესია არსებული ბარიერები სამოქალაქო ინტეგრაციის კუთხით. ამავდროულად, ერთია თუ არსებულ პრობლემებს როგორ აღვიქვამთ ჩვენ პოლიტიკური პარტიები, როგორ ვხედავთ მათი აღმოფხვრისა თუ მოგვარების მექანიზმებს და სრულებით მეორეა, თუ არადომინანტურ ჯგუფებს ან კონკრეტულ თემს რა სურს და რა მოლოდინი აქვს, როგორც სახელმწიფოსგან, ისე პოლიტიკური პარტიებისგან.
ამიტომ, უმნიშვნელოვანესია მსგავსი ტიპის კომუნიკაციები, სამუშაო შეხვედრები, სადაც დიალოგის ფორმატში ნებისმიერი დამსწრე შეძლებს საკუთარი თემის პრობლემების ჩვენამდე მოტანას, მათ განხილვას და მართებული გადაწყვეტილებებით შედეგზე გასვლას“, – განაცხადა განაცხადა შორენა ლობჟანიძემ.