საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ,,მაუწყებლობის შესახებ” კანონში დაინიცირებულ შესატან ცვლილებებთან დაკავშირებით, რომლის აღსრულებას კონტროლს გაუწევს “კომუნიკაციების კომისია” კობა ბექაურის ხელმძღვანელობით:
,,პირდაპირ ვთქვათ, ეს არის ცენზურა! ბექაურის ხელში ცენზურის ახალი ინსტრუმენტი შემოდის, კიდევ ერთხელ.
რატომ?! იმიტომ, რომ როცა არჩევნები მოახლოვდება, სხვადასხვა ინტერპრეტაციით მედია-მაუწყებლობის დასჯის მეტი სივრცე ჰქონდეს“, – განაცხადა პაატა მანჯგალაძემ.
ინფორმაციისთვის: “მაუწყებლობის შესახებ” კანონის 55/2 მუხლი ითვალისწინებს მედია მომსახურების მიმწოდებლის პროგრამაში ან რეკლამაში სიძულვილის ენის და ტერორიზმისკენ მოწოდების გავრცელების აკრძალვას. პარლემენტშიუ წარდგენილი ცვლილებების მიხედვით, მაუწყებლები, რომლებიც სიძულვილის ენის და ტერორიზმისკენ მოწოდების გავრცელების აკრძალვის მოთხოვნას დაარღვევენ, ჯერ გაფრთხილებას მიიღებენ. ერთი წლის განმავლობაში განმეორებით ანალოგიური დარღვევის ჩადენის შემთხვევაში კი დაეკისრებათ ჯარიმა ბოლო ერთი წლის შემოსავლის 0,5%-ის ოდენობით, არანაკლებ 2500 ლარისა. მომდევნო ანალოგიური დარღვევის შემთხვევაში, ჯარიმის თანხა კიდევ უფრო იზრდება.
ავტორი
მარიამ ხაჩირაშვილი
