ბოლოცეცხლა – კრწანისის ტყეპარკის მობუდარი ფრინველი

21

ველური ბუნების სააგენტო კრწანისის ტყეპარკის მობუდარ ფრინველ ბოლოცეცხლას (phoenicurus) შესახებ აქვეყნებს ინფორმაციას:

ფრინველების გვარი ბეღურასნაირთა რიგისა. მათი სხეულის სიგრძეა 13,5–16 სმ.შეფერილობაში შეხამებულია წითური, შავი, თეთრი და მურა ფერები; სახეობათა უმრავლესობას კუდი წითური აქვს; მამლები უფრო მეტად კაშკაშა ფერისანი არიან.

ბუდეს იკეთებს ხის ფუღუროში, ქვების გროვებსა ან სახლის სახურავებში. მრავლდება მაისსა და ივნისში. საინკუბაციო პერიოდი 14-16 დღე. იკვებება მწერებით.

დედამიწაზე ცხრა ათასამდე სახეობის ფრინველი ბინადრობს, რომლებიც ყველა კონტინენტზე არიან გავრცელებულნი და თითქმის ყველანაირ გარემოში ცხოვრობენ.

ფრინველები მნიშვნელოვან როლს თამაშობენ ბუნებრივი ეკოსისტემის მდგრადობის შენარჩუნებაში.

საქართველოს ბუნება მთისა და ზღვის წარმტაცი პეიზაჟებით, ბუნებრივი ნაკრძალებისა და ულამაზესი პარკების სიმდიდრით გამოირჩევა.

კრწანისის ტყეპარკი საუკეთესო ადგილია ფრინველებზე დასაკვირებლად.
წელიწადის სხვდასხვა დროს აქ 88 სახეობის ფრინველი გვხვდება.

კომენტარები