არასამთავრობო ორგანიზაცია ,,სამოქალაქო იდეის“ თავმჯდომარე, თავდაცვის ყოფილი მინისტრი, თინა ხიდაშელი, ჟურნალისტებთან კომენტარში, იმ საფრთხეებზე საუბრობს, რაც შეიძლება მოჰყვეს საქართველოს ჩინეთთან სტრატეგიულ პარტნიორობას:
,,შეუძლებელია, უბრალოდ ასეთი შემთხვევა არ არსებობს, რომ ვინმე, რომელიმე პოლიტიკური თანამდებობის პირი, ,,სიეფსისთან“ ყოფილიყო დაკავშირებული და მას არ ჰქონდეს შემდეგ განგრძობითი ანგარიშვალდებულება ჩინეთის კომუნისტურ პარტიასთან. ესეთი რამე უბრალოდ ბუნებაში არ არსებობს. ღარიბაშვილი ოფიციალურად მუშაობდა. ის ამას არ მალავს. მის დეკლარაციებშია ეს შეტანილი.
მაგალითად, ჩეხებს პრეზიდენტის შეცვლა დასჭირდათ იმისთვის, რომ ამ სქემებიდან გამოსულიყვნენ. მხოლოდ არჩევნებში ზემანის დამარცხების შემდეგ გახდა შესაძლებელი ყველა იმ სკანდალისა და სქემების დასრულება, რომელიც თავის დროზე მათ ჩეხეთში ააგეს.
ამიტომ ჩვენ ძალიან სერიოზული პრობლემების წინაშე ვდგავართ, დღეს, როდესაც პირველად ამ ქვეყანას, ოფიციალურად ჩინეთის კაცი ჰყავს ხელისუფლებაში“, – განაცხადა თინა ხიდაშელმა.
ავტორი
ნინი ხიჯაკაძე
