8 ივლისის განვითარებულ მოვლენებთან დაკავშირებით, საქართველოში აშშ-ს ყოფილი ელჩის, კელი დეგნანის მწვავე განცხადებას და სამართალდამცავების მიმართ რეაგირებისკენ მოწოდებას, საპასუხო მწვავე შეფასებებით, ეხმაურება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:
“ქალბატონი კელი დეგნანის საქმიანობა საქართველოში ფაქტიურად ვადაგასულია, თუმცა იგი კვლავ აგრძელებს დიპლომატისთვის და სტრატეგიული პარტნიორი ქვეყნის წარმომადგენლისთვის შეუფერებელი განცხადებების გაკეთებას.
ძალიან სამწუხაროა, რომ დაქართველოში ამდენი ხნის მუშაობის მიუხედავად კიდევ ვერ ჩაწვდა ვერც ამ ქვეყნის და ხალხის ისტორიას, კულტურასა და მენტალიტეტს. წესით უნდა იცოდეს, რომ საქართველოში ვინმეს დასჯის თუ დაჭერის გადაწყვეტილებას შესაბამისი სამსახურები და სასამართლო იღებს და არა უცხო ქვეყნის ელჩები.
მისი “კრიტიკული” განცხადებები კი უკვე კრიტიკას ვერ უძლებს. ძალიან დიდი იმედი მაქვს ახალი ადმინისტრაციის პირობებში მსგავსი უმსგავსობები არ განმეორდება!” – წერს ფეისბუქის პირად გვერდზე ლევან ნიკოლეიშვილი.
