ცრუ ჩვენების მიცემით მართლმსაჯულებისთვის ხელის შეშლის ფაქტზე, პროკურატურამ დააკავა თამარ ბაჩალიაშვილის საქმის ყოფილი გამომძიებელი, რომელმაც ტელეკომპანია “ფორმულას”, აღნიშნულ საქმესთან დაკავშირებით, სკანდალური ინტერვიუ მისცა. ამ ინტერვიუდან გარკვეული დროის შემდეგ მის დაკავებას ემოციური განცხადებით ეხმაურება თამარ ბაჩალიაშვილის, მამა ჯუმბერ ბაჩალიაშვილი და აღნიშნავს, რომ რაც ყოფილმა გამომძიებელმა თქვა – სიმართლეა:
,,რაც მან თქვა ეს სიმართლეა. სანამ იტყოდა, ჩვენ ვიცოდით. ამანაც რომ თქვა, ზუსტად დამტკიცდა ის საქმე. აქამდე ჩვენ ვიცოდით ეს.
ამდენი მკვლელობით როგორ უნდა გაიხაროს შოთაძემ?! რაც საქართველოში მკვლელობა გვხვდება, ყველა მკვლელობაში ხელი აქვს ამ არაკაც-უნამუსოს. ხალხის შვილების სისხლის ხარჯზე თანამდებობებს ირტყამს, ფულიანდება და ქონებას იმატებს.
სანამდე უნდა იცხოვროს ასეთმა ნაგავმა?! ამიტომაც ხალხი უნდა გამოვიდეს, მანიაკების ხელში ვართ.
თავიანთ თავს ხომ არ დაიჭერენ?! მომიკლეს შვილი, თამარ ბაჩალიაშვილი მოკლეს! ქოლ-ცენტრის ამბავზე მოკლეს ეს ბავშვი”, – განაცხადა ჯუმბერ ბაჩალიაშვილმა.
ავტორი
ნინი ხიჯაკაძე
