დღეს, ფრანკლინის კლუბის დაფუძნებიდან 2-წლისთავზე, ორგანიზაციამ პანელური დისკუსია გამართა, რასაც მოძრაობა “საქართველო უპირველეს ყოვლისა” დამფუძნებლის, ვატო შაქარაშვილის ინიციტიავით მობილიზებული მოქალაქეების ჯგუფი პროტესტით დაუპირისპირდა. ამასთან დაკავშირებით მწვავე კომენტარი გააკეთა ,,სტრატეგია აღმაშენებლის“ თავმჯდომარემ, გიორგი ვაშაძემ:
,,უღმერთოებს ღმერთმა წვიმა გამოუგზავნა და დაშალა. აი, ეს არის ალბათ პასუხი ,,ქართული ოცნებისთვის“, რომელიც არის ბოლომდე გაფარჩაკებული. ეს არის გაფარჩაკებული პოლიტიკური ძალის ქმედებები, რასაც ჩვენ გუშინ და დღეს ვაკვირდებით.
საქართველო გახდება ევროკავშირის და NATO-ს წევრი. ეს ადამიანები თავისი რაღაცა დაქირავებული ჯგუფებით, ამას ვერც ერთ შემთხვევაში ვერ გააჩერებენ“, – განაცხადა გიორგი ვაშაძემ.
ინფორმაციისთვის: ღონისძიების მიმდინარეობის პერიოდში, ძლიერი ქარი ამოვარდა და კოკისპირული წვიმა წამოვიდა, რაზეც ყურადღებას ამახვილებს ,,სტრატეგია აღმაშენებლის“ ლიდერი, გიორგი ვაშაძე.
ავტორი
ნინი ხიჯაკაძე
