ხუთშაბათი, ივნისი 20, 2024

“პრემიერ-მინისტრის ერთ-ერთი უმნიშვნელოვანესი ტყუილი იყო ის, რომ 2022 წლის მანძილზე სავაჭრო ბრუნვა საქართველოსი რუსეთთან იყო 1 მლრდ დოლარის ფარგლებში” – თამაზ დათუნაშვილი

პარტია ,,ლელოს” პოლიტიკური საბჭოს წევრი, საორგანიზაციო მდივანი თამაზ დათუნაშვილი საგანგებო ბრიფინგზე განცხადებას აკეთებს იმასთან დაკავშირებით, თუ როგორ შეიცვალა ევროკავშირისა და საქართველოს ეკონომიკური დამოკიდებულება რუსეთთან მიმართებაში, უკრაინაში ომის დაწყების დღიდან:

,,უკრაინაში ომის დაწყების დღიდან რუსეთთან ევროკავშირის ეკონომიკური დამოკიდებულება 4-ჯერ შემცირდა. ეს არის ,,ევროსტატის” ოფიციალური მონაცემები.

იგივე პერიოდში საქარველოს დამოკიდებულება რუსეთის ეკონომიკაზე 1.5-ჯერ გაიზარდა.

უკრაინაში ომის დაწყების დღიდან რუსეთიდან იმპორტის წილი ევროკავშირში 5–ჯერ შემცირდა. საქართველოში რუსეთთან ვაჭრობის წილი გაიზარდა 1.3-ით.

პრემიერ-მინისტრის ერთ-ერთი უმნიშვნელოვანესი ტყუილი იყო აგრეთვე ის, რომ თურმე 2022 წლის განმავლობაში საქართველოს რუსეთთან სავაჭრო ბრუნვა იყო 1 მლრდ დოლარის ფარგლებში. ეს არის მტკნარი სიცრუე. საქართველოს სავაჭრო ბრუნვა რუსეთთან მიმართებაში იყო 2.5 მლრდ დოლარი”, – განაცხადა თამაზ დათუნაშვილმა.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული