ოჯახზე, სარწმუნოებაზე, ღირსებაზე, სხვა საკითხებზე გაამახვილა ყურადღება დღეს, ქადაგებისას ბოდბელმა მთავარეპისკოპოსმა მეუფე იაკობმა (იაკობიშვილი):
“დღეს ახლა მიკვირს… რა მიკვირს. მსოფლიო გადაირია, გადარეულია მსოფლიო, ხშირად მიწევს, ხოლმე, ამაზე საუბარი. მე გარეთ რა ხდება იმისი არ მიკვირს, ის მიკვირს, რომ საქართველოში არიან ისეთი ადამიანები, რომლებსაც ტვინში მოსდით ისეთი აზრები, რომ… ადამიანი თუ ლაპარაკობ ოჯახზე, ადამიანი თუ ლაპარაკობს ღმერთზე, შენს სარწმუნოებაზე, თუ ლაპარაკობ მოყვასის სიყვარულზე, თუ ლაპარაკობ ღირსებაზე და გინდა, რომ ეს იყოს არამარტო შენში, არამედ შენს ხალხშიც ეს იყოს, ხომ?! თავისუფლება თუ გინდა, ბევრი რამე თუ გინდა, ეს ყოფილა, როგორც ზოგიერთი ტვინგამორეცხილისგან მოვისმინე, რუსეთუმეობა ყოფილა…
ე.ი. რუსეთი ამ თვისებებით არის დაჯილდოებული და მსოფლიოში არ არის ეს ღირსებები?! ქართველ კაცს არ აქვს?! “მამული, ენა, სარწმუნეობა” – არ არის ჩვენთვის უპირველესი?! არ დაგვიბარა ჩვენმა ერის მამამ – წმინდა ილია მართალმა?! პატრიარქი არ გვეუბნება “ღმერთი, სამშობლო, ადამიანი”?!
გამოვიდნენ და პირდაპირ თქვან ჩვენთან, ხომ ფიქრობენ მომავალზე, როგორი საქართველო გვინდა – კაცი კაცი არ იყოს და ქალი ქალი არ იყოს?! ჩვენ ხომ არავის დავდევთ, არც რასობრივი და არც იმის ნიშნით, რა მიდრეკილება აქვს გონებაში, ასე არ ყოფთ ადამიანებს – ადამიანი ადამიანია თავისი ცოდვებით და თავისი კეთილი საქმეებით.
ნუთუ ქართველობა, ნუთუ ძლიერება ის არის, რომ იძახო, რუსი ხარო?! – რუსი შენ ხარ, როცა მასე იძახი. შენთვის ღირსება, ოჯახი, კაცობა, მამობა, დედობა თუ მიუღებელია ხომ, შენა ხარ უვარგისი და რუსიც არა ხარ, რუსს კიდევ რაღაც ისა აქვს… საერთოდ უგვანი ხარ, მსოფლიოს არცერთი ქვეყნის მოქალაქეც არა ხარ.
კეთილი ინებეთ და თქვენი მასეთი რაღაცები თქვენ დაიტოვეთ, ჩვენ ნუ გვასწავლით ჭკუას. ჩვენ არ გვჭირდება ჭკუის სწავლება“, განაცხადა მეუფე იაკობმა.
