“პარლამენტი არ არის რომელიმე საგამოძიებო სტრუქტურის ალტერნატივა” – მიხეილ სარჯველაძე

ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე განცხადებას აკეთებს ოპოზიციის ინიციატივაზე, საგამოძიებო კომისიების შექმნის თაობაზე და აცხადებს, რომ გამოძიებებს არა კომისიები, არამედ სპეციალური უწყებები აწარმოებენ:

,,პარლამენტი არ არის რომელიმე საგამოძიებო სტრუქტურის ალტერნატივა. არსებობს საგამოძიებო სტრუქტურები და ყველა საკითხთან დაკავშირებით მათ აქვთ მოვალეობა, რომ ეს საგამოძიებო პროცედურები წარმართონ.

ეს არ ნიშნავს იმას, რომ ახლა დუბლირება მოხდეს ამ ფუნქციისა და პარლამენტი ვაქციოთ საგამოძიებო სტრუქტურად. მას აქვს კონკრეტული რეგლამენტი, წესი საგამოძიებო კომისიის შექმნას.

ამ შემთხვევაში, არ მგონია, კრიტერიუმად გამოდგებოდეს ის, რომ ოპოზიციას ახლა სურვილი აქვს ან მაგალითად, თუნდაც მაღალ საზოგადოებრივ ინტერესზე მიუთითებდეს, რომ ყველა საგამოძიებო ფუნქცია პარლამენტმა საკუთარ თავზე წამოიღოს“, – განაცხადა მიხეილ სარჯველაძემ.

ავტორი
ნინი ხიჯაკაძე