კლინიკა ,,ვივამედის“ განცხადებასთან დაკავშირებით ქვეყნის მე-3 პრეზიდენტის პოზიციის შესახებ, ჟურნალისტებთან კომენტარს აკეთებს მიხეილ სააკაშვილის ადვოკატი, შალვა ხაჭაპურიძე:
,,ეს განცხადება მისთვის აბსოლუტურად მოულოდნელი, გაუგებარი იყო. მითუმეტეს თქვა, რომ პროცედურებზე უარს არ აცხადებს. თუ რაიმე შემოთავაზებაა მკურნალობის, ყველაფერზე თანხმდება.
მე დამატებით მოვითხოვე ავადმყოფობის ისტორია, მაგრამ ადმიანისტრაცია ადვოკატებს აღარ გვიშვებს. უფრო მეტიც, 2 კვირის წინ მოთხოვილი ავადმყოფობის ისტორიის გაცემაზე უარს აცხადებს. ამბობს, როცა გავწერთ სააკაშვილს მაშინ გავამზადებთო.
დაცვამ არაფერი არ იცის მის გადაყვანასთან დაკავშირებით. სააკაშვილმა თქვა, რომ თუ გლდანის მე-18 დაწესებულებაში გადაიყვანენ, იქ მოხდა მისი წამება და არაადამიანური მოპყრობა, თუ ციხეში გადაიყვანენ – იქ კიდევ უარესი იყო.
აქვს მოლოდინი და თქვა, რომ ამათგან არაფერი არ არის გამორიცხული. მიუხედავად იმისა, რომ მომავკვდავ მდგომარეობაში ვარო“, – განაცხადა შალვა ხაჭაპურიძემ.
ავტორი
ნინი ხიჯაკაძე
