“ჩვენ, ძალიან ბევრი არასამთავრობო ორგანიზაცია ვიცით, რომლებიც პირდაპირ ებრძვიან სახელმწიფოებრიობას, სახელმწიფოს ინტერესებს” – ირაკლი ღარიბაშვილი

ირაკლი ღარიბაშვილი შეფასებებს აკეთებს არასამთავრობო სექტორთან მიმართებაში:

“ჩვენ, ძალიან ბევრი არასამთავრობო ორგანიზაცია ვიცით, რომლებიც პირდაპირ ებრძვიან სახელმწიფოებრიობას, სახელმწიფოს ინტერესებს. ვიცით ძალიან ბევრი ორგანიზაცია, რომლებიც უცხოეთიდან მიღებული დაფინანსებით ატარებდნენ ანტისამთავრობო მიტინგებს, ძალიან ბევრ პროვოკაციულ ღონისძიებებს, რაც არ ემსახურება ჩვენი ქვეყნის ეროვნულ ინტერესებს.

მათი დაფინანსება არ არის გამჭვირვალე. მეორეს მხრივ ისინი მოგვიწოდებენ, რომ მთავრობის და პარლამენტის საქმიანობა სრულად უნდა იყოს გამჭვირვალე და ეს ასეც არის. ჩვენ გამჭვირვალობით, მართლაც, მოწინავე პოზიციაზე ვართ მსოფლიოში, თუნდაც ბიუჯეტის გამჭვირვალობით, ჩვენ ვართ №1 ადგილზე მსოფლიოში.

ასე რომ, მე ვფიქრობ, კამპანია, რაც ახლა მიმდინარეობს, აბსოლუტურად უსაფუძვლოა.

არასამთავრობოები, წლების განმავლობაში, ათეულობით მილიონ დოლარს იღებდნენ და არავითარი გამჭვირვალობა, არავითარი ინფორმაცია, ანგარიშვალდებულება ჩვენი საზოგადოების, ჩვენი ხალხის წინაშე არ არსებობდა“, – განაცხადა ირაკლი ღარიბაშვილმა.