აშშ-ს სახელმწიფო დეპარტამენტის სპიკერის, ნედ პრაისის მიმართ “ქართული ოცნებიდან” გასული დეპუტატის, “ხალხის ძალის” წარმომადგენლის, ეკა სეფაშვილის კრიტიკას მწვავე შეფასებებით ეხმაურება პარტია “კანონი და სამართლის” თავმჯდომარე თაკო ჩარკვიანი:
“ეს თქვენ მოგიწოდებთ, რომ თავი შეიკავოთ ანტისახელმწიფოებრივი განცხადებებისა და ქმედებისგან, ეკა!!! თან გირჩევთ დროულად მოხვიდეთ გონს! დროულად!!! თორემ, მართლა ნამდვილი ხალხის ძალა და არა ოლიგარქის მიერ გამოგონილი ფეიკ “ხალხის ძალა” რა არის სულ მალე გაიგებთ!!!” – წერს ფეისბუქის პირად გვერდზე თაკო ჩარკვიანი.
ინფორმაციისთვის: ნედ პრაისის მხრიდან “უცხო ქვეყნის გავლენის აგენტების შესახებ” პარლამენტში ინიცირებულ კანონპროექტთან მიმართებაში ნეგატიური დამოკიდებულების გამო ეკა სეფაშვილი უკმაყოფილებას გამოხატავს – “მოვუწოდებ ნედ პრაისს, ორმაგი სტანდარტებისგან თავი შეიკავოს“.
