,,ერთიანი ნაციონალური მოძრაობის” გენერალური მდივანი, პეტრე ცისკარიშვილი პოლიტიკურ შეფასებას აკეთებს ,,უცხოური გავლენის აგენტების რეესტრის” შექმნაზე. ოპოზიციონერი ლიდერი სანქციების დაწესების საჭიროებას ხედავს იმ პირებისთვის, რომლებიც აღნიშნული კანონპროექტის მიღებას ხმას მისცემს:
,,ქართული ოცნება” ამ კანონს იღებს იმისათვის, რომ რუსეთს ასიამოვნოს; დასავლეთს ჯიბრში ჩაუდგეს, შეეწინააღმდეგოს და მესიჯი გაუგზავნოს, რომ ჩვენ თქვენი არაფერი გვინდა!
შესაბამისად, რუსეთის აგენტების გამოვლენაა საჭირო – ყველანი რუსეთის აგენტები არიან, მთელი ხელისუფლება, რუსული ოცნებაა, რუსეთის, პრაქტიკულად, გავლენის აგენტი და მათი საქმის გამკეთებელი.
ცხადია, ასეთ ინიციატივას ,,ოცნება” არ განიხილავს, მაგრამ ჩვენ გვქონდა ინიციატივა იმასთან დაკავშირებით, რომ ის ადამიანები, ვინც მიცემენ ხმას ამ კანონპროექტს, თუნდაც საკომიტეტო განხილვებზე, კენჭის ყრის დროს – აეკრძალოთ ევროკავშირთან, პრაქტიკულად, ყველანაირი ურთიერთობა”, – განაცხადა პეტრე ცისკარიშვილმა.
ავტორი
ნინი ხიჯაკაძე
