გუშინ ოპოზიციური პარტიის ლიდერებმა, სამოქალაქო სექტორის წარმომადგენლებმა და აქტივისტებმა ერთობლივი საპროტესტო აქცია გამართეს, რა დროსაც 30-ზე მეტი ადამიანი დააკავეს. ამასთან დაკავშირებით ჟურნალისტებთან მწვავე კომენტარი გააკეთა ,,ერთიანი ნაციონალური მოძრაობის” თავმჯდომარემ, ლევან ხაბეიშვილმა:
,,ილიას უნივერსიტეტის, თბილისის სახელმწიფო უნივერსიტეტის სტუდენტები, იყვნენ ,,ნაციონალური მოძრაობის”, არასამთავრობო ორგანიზაციის წევრები, დააკავეს ჟურნალისტები, სამოქალაქო აქტივისტები.
გუშინ, რუსი ივანიშვილი მოიქცა ისე, როგორც პუტინი იქცევა ხოლმე მოსკოვის ცენტრში გამართული აქციების პარალელურად. რუსულად, როგორც იცის – ზუსტად ისე.
36 ადამიანი ჰყავთ დაკავებული და იზოლატორში გამოკეტილი, მხოლოდ იმიტომ, რომ ადამიანები აპროტესტებენ ქვეყნის გარუსებას, რომ უნდათ თავისუფალ, ცივილურ, ევროპულ ქვეყანაში ცხოვრება. აი, ამის გამო დააკავეს”, – განაცხადა ლევან ხაბეიშვილმა.
ავტორი
ნინი ხიჯაკაძე
