პარლამენტში, ბიუროზე ,,ხალხის ძალის“ მიერ ინიცირებული ,,უცხოური გავლენების აგენტების რეესტრის“ კანონპროექტის განხილვისას, ოპოზიციის მხრიდან დაფიქსირებულ პოზიციას კონკრეტული შეფასებებით ეხმაურება პარლამენტის განათლებისა და მეცნიერების კომიტეტის თავმჯდომარე გიორგი ამილახვარი:
,,მათ, როგორც ჩანს, შინაარსში საერთოდ არ ჩაუხედავთ, ვინაიდან იცით, ეს კანონპროექტი არის ამერიკის ანალოგის თარგმანი. შესაბამისად, რა პრორუსულ ვერსიაზე ან პრორუსულ კანონპროექტზე გვაქვს ლაპარაკი, როდესაც პირდაპირ გადმოტანილია ამერიკული ვერსია?!
ეს არის სწორედ მათი ორმაგი სახე, როდესაც ერთის მხრივ – ვხედავთ, რომ არიან არაკომპეტენტურები და შინაარსში არ იხედებიან და მეორეს მხრივ – აგრძელებენ იმ პროპაგანდისტულ დამაზიანებელ საქმეს, რომელსაც ჰქვია საქართველოსთვის და ,,ქართული ოცნებისთვის“ ჩირქის მოცხება“, – განაცხადა გიორგი ამილახვარმა.
ავტორი
ნინი ხიჯაკაძე
