პარტია ,,ქართული ოცნების“ თავმჯდომარე ,,ერთიან ნაციონალურ მოძრაობაში“ ინტერესთა შეჯახებაზე საუბრობს, რასაც პოზიტიურ ჭრილში დადებითად აფასებს პარტიის ე.წ. დასუსტების საკითხს:
,,სააკაშვილს თავისი ინტერესი აქვს, კეზერაშვილს თავისი, ხაბეიშვილს თავისი – ეს ინტერესები წინააღმდეგობაში მოდის ერთმანეთთან.
მაგალითად, ხაბეიშვილი უკვე თანდათან ხვდება, რომ არის ფორმალური თავმჯდომარე და იბრძოლებს იმისათვის, რომ მეტი ავტონომია ჰქონდეს კეზერაშვილისაგან, რომელიც არის მისი დამფინანსებელი და უფროსი, ან მერაბიშვილისგან მიიღოს მეტი ავტონომია და ა.შ.
რისი რესურსი აქვს ხებიშვილს – ეს ცალკე საკითხია, მაგრამ ეს შიდა დაპირისპირებები, აუცილებლად, კიდევ უფრო მეტად გაღრმავდება. ცალკე არის სააკაშვილის ინტერესები.
აქ არის სრული კოლიზია, ანუ ყველას აქვს თავისი ფიქტიური ინტერესები, ერთმანეთს ჭამენ. ეს პროცესი გაგრძელდება, რაც კარგია. იმიტომ, რომ ეს ასუსტებს ,,ნაცმოძრაობას“, – განაცხადა ირაკლი კობახიძემ.
ავტორი
ნინი ხიჯაკაძე
