“ქალაქს ჰყავს მკვლელი, კორუმპირებული, ფულზე დახარბებული, რუსეთუმე მერი” – ლევან ხაბეიშვილი

,,ერთიანი ნაციონალური მოძრაობის“ თავმჯდომარე ლევან ხაბეიშვილი პოლიტიკურ შეფასებას აკეთებს დედაქალში არსებულ პრობლემებთან/გამოწვევებთან დაკავშირებით და მწვავედ აკრიტიკებს თბილისს მერს, კახა კალაძეს:

,,ქალაქს ჰყავს მკვლელი, კორუმპირებული, ფულზე დახარბებული, რუსეთუმე მერი, რომლის განცხადებები იდენტურია სალავიოვის, მარგარიტა სიმონიანის და იგივე ზახაროვასი, რომელმაც გუშინ განაცხადა, რომ ვინც პუტინის, ბოროტების წინააღმდეგ იქნება – თურმე სააკაშვილივით დაასრულებს. რაც კიდევ ერთი დასტურია იმის, რომ პრეზიდენტი სააკაშვილი არის პუტინის ტყვე.

იმ პირობებში, როცა დედაქალაქში უამრავი პრობლემაა, დაწყებული სატრანსპორტო კოლაფსით გაგრძელებული ურბანული, ეკონომიკური კატასტროფით; იმ პირობებში, როცა კალაძე გადასულია ფულის შოვნაზე და არ ერიდება რუსულ მოღალატეობრივ განცხადებებს, ამის პარალელურად – მნიშვნელოვანია, ,,ერთიანი ნაციონალური მოძრაობა“ იყოს ძლიერი დედაქალაქში, მათ შორის სტრუქტურულად.

ამიტომ დღეს ვხსნით დედაქალაქში მიხეილ სააკაშვილის გათავისუფლების შტაბს, ბროსეს ქუჩაზე N6-ში, რომელიც პარალელურად იქნება ,,ერთიანი ნაციონალური მოძრაობის“ თბილისის ცენტრალური ოფისი“, – განაცხადა ლევან ხაბეიშვილმა.

ავტორი
ნინი ხიჯაკაძე