მოლდოვაში ევრონესტის საპარლამენტო ასამბლეაზე მყოფი “სტრატეგია აღმაშენებლის” თავმჯდომარე შეხვედრებს ევროპარლამენტარებთან მართავს. რასა იუკნევიჩიენესთან შეხვედრის შემდეგ გიორგი ვაშაძე აცხადებს, რომ ევროპარლამენტში ყველამ კარგად იცის ქართველი ხალხის ევროპული მისწრაფების შესახებ:
“რასა იუკნევიჩიენესთან შეხვედრა შეეხო 12 პუნქტის შესრულებას. ქალბატონმა რასამ შეშფოთება გამოთქვა იმასთან დაკავშირებით, რომ არ სრულდება 12 პუნქტი, “ქართულ ოცნებას” დამატებითი ბარიერები შემოაქვს ევროინტერგრაციის გზაზე, როგორიცაა ახალი კანონი უცხოელი აგენტების შესახებ. შეხვედრაზე ევროპარლამენტარმა პირად საუბრებში გვითხრა, რომ რუსული პუტინის კანონებით საქართველოსთვის კანდიდატის სტატუსის მიღება ვერ მოხერხდება და რომ არ არის წინსვლა 12 რეკომენდაციის შესრულების გზაზე.
მიუხედავად “ქართული ოცნების” ანტიევროპული ქმედებებისა, ქალბატონი რასა ამბობს, რომ ევროპარლამენტში ყველამ კარგად იცის საქართველოს მოსახლეობის უმრავლესობა არის ევროინტეგრაციის მომხრე და ყველაფერს გააკეთებენ ევროპული გზისთვის”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
