დღეს, საქართველოს საპატრიარქოში წმიდა სინოდის სხდომა გაიმართ. სხდომის შემდეგ ჟურნალისტებთან კომენტარი გააკეთა ახალქალაქის, კუმურდოსა და კარის მიტროპოლიტმა, მეუფე ნიკოლოზმა (ფაჩუაშვილი):
“რა იყო საკითხები მე ვერ გეტყვით იმიტომ, რომ მდივანი ჰყავდა სინოდს, რომელიც წერს ახლა და დაამთავრებს ძალიან მალე.
მოკლე სხდომა იყო, სულ რაღაც სამი საკითხი იყო. ძალიან მშვიდობიანად ჩაიარია სინოდის სხდომამ, საერთოდ ბევრს ვკამათობთ ხოლმე, მეც მათ შორის. ამჯერად, არაფერი საკამათო არ იყო.
პირველი, რაც პირდაპირ შემიძლია გითხრათ, რომ მივულოცეთ პატრიარქს დაბადებიდან 90 და პატრიარქობიდან 45 წლის იუბილე. ეს მთელმა სინოდმა მიულოცა.
ერთ-ერთი საკითხი იყო ის, რომ სამძიმრის წერილს გავუგზავნით თურქეთის სახელმწიფოს, რა თქმა უნდა, მაგრამ პირველ რიგში, კონსტანტინოპოლის პატრიარქს და ანტიოქიის პატრიარქს სირიაში, სადაც მოხდა ეს საშინელი ტრაგედია, ამაზეც ვისაუბრეთ. დანარჩენი ძალიან ისეთი, ყოფითი საკითხები იყო“, – განაცხადა მეუფე ნიკოლოზმა.