“გამოფხიზლდით ყველა! ეს არაადამიანური მოპყრობა არ უნდა გადაიზარდოს რაღაც ხიბლში – ადამიანი იყო საქართველოს პრეზიდენტი” – გიორგი ვაშაძე მიხეილ სააკაშვილზე

საქართველოს მე-3 პრეზიდენტის ჯანმრთლობის მძიმე მდგომარეობაზე ამახვილებს ყურადღებას პარტია “სტრატეგია აღმაშენებლის” თავმჯდომარე გიორგი ვაშაძე და პასუხისმგებლობისკენ მოუწოდებს ყველას, რათა დაცული იქნას მიხეილ სააკაშვილის სიცოცხლე:

“ფაქტობრივად ადგილი აქვს ტყვიის გარეშე მიხეილ სააკაშვილის მკვლელობის პროცესს. მსოფლიოში არსად ხდება ექიმებისგან ასეთი არაადამიანური მოპყრობა არ ხდება.

ყველა ექიმს მინდა ვუთხრა – თქვენ, პოლიტიკური დავალებების შესრულების გამო, ნუ გგონიათ, რომ პასუხისმგებლობის არიდებას შეძლებთ.

არა, პასუხისმგებელია ექიმიც, მოსამართლეც, პროკურორიც, ყველა ადამიანი, ვინც არის ჩართული ამ პროცესში და არ ეგონოს, რომ მხოლოდ ბიძინა ივანიშვილი, ირაკლი კობახიძე და ირაკლი ღარიბაშვილი იქნებიან პასუხისმგებლები იმაზე, რაც დღეს ხდება. მით უმეტეს, ამას ღიად და მკაფიოდ აცხადებენ ჩვენი დასავლელი პარტნიორებიც. ეს არ არის მხოლოდ ჩვენი განცხადება.

გამოფხიზლდით ყველა! ეს არაადამიანური მოპყრობა არ უნდა გადაიზარდოს რაღაც ხიბლში – ადამიანი იყო საქართველოს პრეზიდენტი და მისი გარდაცვალება პირდაპირ კავშირში იქნება საქართველოს ევროინტეგრაციასა და ევროპულ პერსპექტივასთან,” – აცხადებს გიორგი ვაშაძე.