“არ უნდათ აღიარონ, რომ ადამიანი არის მოწამლული! აქ ყველა ტყუის თავიდან ბოლომდე” – გიული ალასანია მიხეილ სააკაშვილის ჯანმრთელობის მდგომარეობაზე

საქართველოს მე-3 პრეზიდენტის მძიმე ჯანმრთელობის მდგომარეობაზე საუბრობს და ემოციურ შეფასებებს აკეთებს მიხეილ სააკაშვილის დედა, გიული ალასანია:

,,პრობლემა ის არის, რომ ჩვენ მუდმივ ტყუილებში ვცხოვრობთ. ყველა გონების დაკარგვას აქვს დამოწმება იმ მხრივ, რომ სამედიცინო ჩაწერა ხდება. ჰყავდა ამას ყველაფერს ხო მოწმე?! საერთოდ უარყოფენ – მსგავსი არაფერი არ მომხდარაო და როგორ არ მომხდარა, როცა ამას ჰყავდა მოწმე?! – სანიტარი, ექთანი და, რა თქმა უნდა, საბადრაგო სამსახური, აგრეთვე.

ე.ი. მატყუებს ჩემი შვილი?! აბა მე იქ არ ვყოფილვარ. ვამბობ იმას, რასაც ჩემი შვილი მეუბნება. გონების დაკარგვაზე თვითონ მითხრა. რას ნიშნავს არ სჯერათ?! ბადრაგებმა ამიყვანესო. ჰკითხონ მაშინ იმ ბადრაგებს.

ადამიანს, რომელსაც ჰქონდა 120 კილო წონა, ახლა, დღეს აქვს უკვე 68 და რაღაცა. ესეიგი დაიწყო კახექსიის ძალიან სწრაფი პროცესი.

არ უნდათ აღიარონ, რომ არის ძალიან მძიმედ და გადასაყვანია. ეს არის პრობლემა, რომ გადაყვანა არ უნდათ! ეს ყველაფერი იმიტომ ხდება, ეს ტყუილები, რომ არ უნდათ აღიარონ, რომ ადამიანი არის მოწამლული!

– თქვენი აზრით, ზეწოლის ქვეშ არიან ექიმები? [ჟურნალისტის შეკითხვა]

– თქვენი აზრით, არ არიან? აქ ყველა ტყუის თავიდან ბოლომდე“, – განაცხადა გიული ალასანიამ.

ავტორი
ნინი ხიჯაკაძე