“რომ გვქონდეს სამართლიანი სასამართლო, მოსამართლე დღესვე მიიღებდა გადაწყვეტილებას, რომ სააკაშვილი გადაყვანილ იქნას სამკურნალოდ” – პაატა მანჯგალაძე

საქართველოს მე-3 პრეზიდენტის, მიხეილ სააკაშვილის მორიგი სასამართლო სხდომა საქალაქო სასამართლოში მიმდინარეობს. პროცესის პარალელურად ჟურნალისტებთან კომენტარს აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე:

,,ჩვენ რომ გვქონდეს ქვეყანაში ნამდვილი სამართლიანი სასამართლო, მოსამართლე დღესვე, დარბაზშივე, დღევანდელ სხდომაზევე მიიღებდა გადაწყვეტილებას, რომ სააკაშვილი გადაყვანილ იქნას სამკურნალოდ.

რას ველოდებით?! – მოსამართლესაც ვეკითხები, ეს გაჭიანურება ამ პროცესების, რას ელოდებით?! – რომ იქნება ვერ გაუძლოს ორგანიზმმა და ეს პრობლემა ,,სააკაშვილის“ სახით თავისით მოგვარდეს?! მართლა მაინტერესებს, რად უნდა ამდენი დრო?“, – განაცხადა პაატა მანჯგალაძემ.

ავტორი
ნინი ხიჯაკაძე